- 565 -

1426. Jan. 28. Goldberg.

Die Stadt Goldberg nimmt gegen 5 Mark jährt. Zinsen ein Capital von 50 M. für Herzog Ludwig auf.

Jodocus Horning burgermeister czum Goltberge vnd Peter Peczold, Conrad Schaulcz, Hannus Girke, Ffrancze Raschke rathmannen doselbist bekennen vffenlich mit diesem brife allen, dy en sehen adir horen lezen, das wir von geheise vnd ernster befelunge vnsers gnedigen herren herczoge Ludwiges vnd mit rathe al vnser gesworn, eldsten, schepphen vnd hantwerkmeister vnd mit wissen vnd yoworthe al vnser gemeynde arm vnd reich, recht vnd redlich haben vorkauft vomf mark geldes iergleichs czinses um vomfczig mark Pregischer groschen Polnnischer czal, dy wir gancz vnd gar haben ingenomen vnd vnserm egenanten gnedigen herren herczoge Ludwige gegeben vnd geantworth haben, der vns geboth, hyss vnd beful dy czinse vf vnser stad czu vorkeufen an der stat der vomf marke geldes dy Else Czirnynne vf vns hatte czu eren lebetagen vnd nu seynt abegesturben vnd vns vor dy vnd ander czinse seyne fleischbenke vnd vorwerk dorvor vorphant hat, als wir des seynen briff haben, dem erbern Johann Weynschreiber czu Legnicz vnd Annan seyner ehausfrawen, dornoch Johannes erben vnd elichen nochkomenden etc. — Am montage noch Agnetis.

O. d. St. L. No. 512. Mit dem grossen goldberger Stadtsiegel an Pergamentstreifen.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866